ഫയര്‍ ഫൈറ്റിങ്

അനിയത്തിയുടെ കല്യാണപിറ്റേന്ന് തിരിച്ചുപറക്കാനുള്ള ഒരുക്കത്തിലായിരുന്നു ഞാന്‍.


"മോളെ,ദേ ഈ ആജു കാട്ടണ കണ്ടാ" എന്ന് വീട്ടില്‍ സഹായത്തിനുള്ള ഷീലേച്ചിയുടെ ഉറക്കെയുള്ള വിളികേട്ട് ചെന്ന് നോക്കുമ്പോള്‍ ഹോസും പിടിച്ച് മുറ്റത്തെ ചോറ് വെക്കുന്ന അടുപ്പിലെ തീയണച്ചിരിക്കുന്നു ആജു :)

"നീയെന്ത് പണിയാ ഈ കാട്ടിയത്?" എന്ന് ചോദിച്ച് തീരും മുമ്പേ അവന്റെ ഉത്തരം: "ഉമ്മാ,തീ ആളി കത്തുന്ന കണ്ടാല്‍ ഹോസിലെ വെള്ളം കൊണ്ട് അതണയ്ക്കമെന്നാ സ്കൂളിലെ ഫയര്‍ ഫൈറ്റിങ് റ്റ്രെയിനിങ്ങിനിടെ ഞങ്ങളെ പഠിപ്പിച്ചിരിക്കുന്നത്"