ആജു അനീതിക്കെതിരെ

ഇന്നലെ സ്കൂള്‍ വിട്ട് വന്ന് ആജു എന്നെ ഫോണ്‍ ചെയ്തു.

പതിവ് വിശേഷങ്ങള്‍ക്കിടയില്‍:

"ഉമ്മാ ആ ടീച്ചര്‍ ആളു ശരിയല്ല,എനിക്കും മറ്റ് കുട്ടികള്‍ക്കും എന്ത് കുറവുണ്ടായിട്ടാണ് അവര്‍ പാട്രിക്കിനേയും ആഞ്ജലീനയേയും ക്ലാസ് മോണിറ്റേര്‍‌സ് ആയി തെരഞ്ഞെടുത്തത്"

കഴിഞ്ഞയാഴ്ച പദ്യപാരായണത്തില്‍ പങ്കെടുക്കാന്‍ ഇതു പോലെ ടീച്ചര്‍ ഒരു കുട്ടിയെ തിരഞ്ഞെടുത്തതിന് വീടെത്തിയിട്ടും സ്കൂള്‍ ബസ്സില്‍ നിനിറങ്ങാതെ പത്ത് മിനിറ്റോളം അതില്‍ തന്നെ ഇരുന്നായിരുന്നു അവന്റെ പ്രതിഷേധം.

അവനെ സമാധാനിപ്പിക്കാനായി ഞാന്‍ പറഞ്ഞു"എല്ലാ കുട്ടികളെയും ഒന്നിച്ച് മോണിറ്റര്‍ ആക്കാന്‍ പറ്റില്ലല്ലോ,ഒരു കാര്യം ചെയ്യാം ഇന്നു മുതല്‍ നിന്നെ വീട്ടിലെ മോണിറ്റര്‍ ആക്കാം".

ആ മറുപടിയില്‍ അവന്‍ സംതൃപ്തനായെങ്കിലും എന്റെയീ തെരഞ്ഞെടുപ്പിനെതിരെ തറവാടിയും പച്ചാനയും എന്നാണാവോ കൊടിപിടിക്കുക !