ആജുവും പഠിച്ചത്രെ ‘ടെക്നോളജി’

ആജു ഇന്നലെ സ്കൂളില്‍ നിന്നും വന്നപ്പോള്‍ വല്യ സന്തോഷത്തിലായിരുന്നു.

വൈകുന്നേരം സ്വല്‍‍പ്പം ഗമയില്‍ വന്ന് പറഞ്ഞു:

“ ഉപ്പച്ചീ ഇന്നൊരു സംഭവമുണ്ടായി ക്ലാസ്സില്‍”

“എന്താടാ, നീ ക്ലാസ്സില്‍ എന്തെങ്കിലും പ്രശ്നമുണ്ടാക്കിയോ?”

ഇതു കേട്ടവന്‍ പറഞ്ഞു തുടങ്ങി:

“ഉപ്പച്ചീ , ഇന്ന് ടീച്ചര്‍ വയറും ബള്‍ബും കണക്റ്റ് ചെയ്ത് ,സോക്കറ്റില്‍ കുത്തി ബള്‍ബ് കത്തിച്ച് കാണിച്ചുതന്നു”

മൂളിക്കേട്ടുകൊണ്ടിരുന്ന എന്നോടും വല്യമ്മായിയോടും ആവേശത്തോടെ അവന്‍ പറഞ്ഞു:

“ പിന്നെ , ഉപ്പച്ചീ , ആള്‍ക്ക് ഷോക്കടിച്ചാല്‍ എങ്ങനെ പുറത്തുള്ള വലിയ ഇരുമ്പിന്‍റെ പെട്ടിയിലുള്ള സ്വിച്ച് ഓഫാകും , അതെങ്ങിനെ ഓണാക്കാം എന്നുമൊക്കെ കാണിച്ചുതന്നു”

വളരെ താത്പര്യത്തോടെ കേട്ടുകൊണ്ടിരുന്ന ഞങ്ങളെ, അവന്റ്റെ അവസാന നിഗമനം ഞെട്ടിച്ചു,

“ഇത്രേ ഉള്ളൂ നിങ്ങളൊക്കെ ചെയ്യുന്ന ഡിസൈന്‍ ?, ഞാനും പഠിച്ചു ഇലക്ട്രിക്കല്‍ ടെക്നോളജി ”